Bugun UBS Toshkent filialida "Yoshlar kuni" munosabati bilan "Akademik va Yoshlar" uchrashuvi tashkil etildi.

Uchrashuvga taniqli arxeolog, Tarix fanlari doktori, tarix fani boʻyicha koʻplab darsliklar muallifi, Mehnat shuhrati ordeni sohibi, Akademik Sagdullayev Anatoliy Sagdullayevich taklif etildi.

Ustoz talabalarga oʻzining boy hayot yoʻli, ilmiy faoliyati va katta tajribasi haqida gapirib berdi.

Maʼlumot oʻrnida, Professorning 6-sinf “Oʻzbekiston tarixi”, “Qadimgi dunyo tarixi”,

shuningdek, oʻqituvchi-metodistlar bilan hammualliflikda ishlab chiqilgan imkoniyati cheklangan bolalarga ixtisoslashgan maktab va maktab-internatlar 6–7-sinflari uchun “Oʻzbekiston tarixi” darsliklari, “Jahon tarixi” va “Oʻzbekiston tarixi” boʻyicha maktab oʻquvchilari uchun yaratilgan tarixiy atlaslari alohida ahamiyatga ega.

Ushbu uchrashuv talabalarimizning ilm-fanga boʻlgan qiziqishini yanada oshiradi va katta ilhom manbayi boʻlib xizmat qiladi.