Bugun, 6-may kuni University of Business and Science Toshkent filialida maktab bitiruvchilari uchun "Ochiq eshiklar kuni" boʻlib oʻtdi.

Tadbir davomida oʻquvchilar universitetning mavjud yoʻnalishlari va xalqaro standartlarga mos oʻquv dasturlari haqida batafsil ma’lumot oldi.

Zamonaviy IT-laboratoriyalari, keng va yorugʻ ma'ruza zallari hamda boy kutubxona fondi bilan tanishdi.

Shuningdek, professor-oʻqituvchilar va amaliyotchi mutaxassislar bitiruvchilarni qiziqtirgan savollariga javob berib, grant dasturlari hamda oʻqishga kirish imtiyozlari boʻyicha maslahatlar berdi.

Tadbir nafaqat foydali ma’lumotlar, balki shirin lahzalarga ham boy boʻldi.

Mehmonlar uchun tashkil etilgan kofe-breyk va shirinliklar uchrashuvga oʻzgacha iliqlik va bayramona kayfiyat bagʻishladi.