Ayni kunlarda University of Business and Science vakillari xalqaro hamkorliklar yuzasidan Janubiy Koreyada boʻlib turibdi.

Bugun delegatsiyamiz ayni shu masalada Qozogʻistonning yetakchi oliy ta'lim muassasalari — Nazarbayev University va Kazakh-British Technical University vakillari bilan birga Janubiy Koreyaning "Osiyo MITi" sifatida e'tirof etiluvchi Korea Advanced Institute of Science and Technology (KAIST) ga tashrif buyurdi.

Tashrif doirasida Materialshunoslik va muhandislik fakulteti rahbari Shin Byungha hamda KAIST Vitse-Prezidenti Kim Kyung-Soo bilan ikki tomonlama uchrashuv oʻtkazildi.

Muloqot davomida:

akademik va ilmiy hamkorlikni rivojlantirish;

talabalar uchun amaliyot va almashinuv dasturlari;

qoʻshma tadqiqot loyihalarini yoʻlga qoʻyish kabi masalalari muhokama qilindi.

KAIST — QS World University Rankings 2025 reytingida 53-oʻrinni egallagan va Janubiy Koreyaning eng nufuzli uchta universitetidan biri sifatida xalqaro miqyosda e'tirof etilgan ilmiy-tadqiqot markazidir.

Mazkur tashrif UBSning oliy ta'lim, ilm-fan va texnologiyalar sohasida xalqaro hamkorlik yoʻlidagi muhim qadamlaridan biri boʻldi.