Bugun, 9-aprel kuni University of Business and Science hamda AQSHning nufuzli universitetlaridan biri University of Missouri o‘rtasida hamkorlik aloqalarini yo‘lga qo‘yish yuzasidan muhim kelishuvga erishildi.

Unga ko‘ra, UBS talabalari va professor-o‘qituvchilari University of Missouri kampusida ta’lim olishlari, malaka oshirishlari, talabalar esa 6 oylik stajirovka o‘tashlari mumkin bo‘ladi.

Shuningdek, tomonlar o‘rtasida oliy hamshiralik, davolash ishi, iqtisodiyot hamda filologiya va tillarni o‘qitish yo‘nalishlari bo‘yicha hamkorlikni yo‘lga qo‘yish masalalari ko‘rib chiqildi.

Shu bilan birga, xalqaro grantlar va startaplarni qo‘llab-quvvatlash yo‘nalishida ham hamkorlik uchun ilk qadamlar tashlandi.

Ma’lumot uchun, University of Missouri 1839-yilda tashkil topgan bo‘lib, bugungi kunda 300 dan ortiq ta’lim dasturlarini taklif etadi. Universitetda 1417 nafar xorijlik talaba tahsil oladi.